सोमबार, ४ कार्तिक, २०७६ Monday, 21 October, 2019

अफ्रिकामा चरम संकट, संयुक्तराष्ट्र संघद्वारा आपतकालीन सहयोगको घोषणा

राष्ट्रसंघका आपतकालीन सहायता संयोजक एवं उपमहासचिव मार्क लोककले सोमालिया, इथियोपिया र केन्याका सुख्खाग्रस्त क्षेत्रका जनतालाई उक्त सहयोग गरिने बताए ।
फाइल फोटो : शहिल/अक्सफार्म

नैरोबी । संयुक्तराष्ट्र संघले अफ्रिकामा उत्पन्न भोकमरीमा परेका सर्वसाधारणलाई सघाउन चार करोड ५० लाख अमेरिकी डलर सहयोग गर्ने बुधबार घोषणा गरेको छ ।

राष्ट्रसंघका आपतकालीन सहायता संयोजक एवं उपमहासचिव मार्क लोककले सोमालिया, इथियोपिया र केन्याका सुख्खाग्रस्त क्षेत्रका जनतालाई उक्त सहयोग गरिने बताए । अफ्रिकाका यी देशका कतिपय भेगमा सुख्खाका कारण खाद्यान्नको चरम संकट उत्पन्न भएको छ । 

लोककले जारी गरेको विज्ञप्तिमा राष्ट्रसंघले निरन्तरको सुख्खाबाट प्रभावितको मृत्यु र मानवीय संकटमा सहयोग गर्न चाहेको उल्लेख छ ।

लोककले राष्ट्रसंघको बजेटमध्ये सोमालियाका लागि तीन करोड छुट्याइएको बताए । सोमालियामा आगामी सेप्टेम्बरसम्ममा चरम खाद्य असुरक्षाबाट करिब २२ लाख मानिस प्रभावित हुने अनुमान गरिएको छ । 

यस्तै, करिब १ करोड अमेरिकी डलर सोमालियाको छिमेकी मुलुक इथियोपियामा खर्च हुनेछ । यहाँ सन् २०१६ र २०१७ को झै विषम मौसमी अवस्था रहेको र सुख्खाबाट चरम खाद्य संकट उत्पन्न भएको छ ।

लोककले तीन देशले भोग्नु परेको विषयम खाद्य संकट र अन्य मानवीय सहायतामा ध्यान दिन अन्य दातृ निकायहरुलाई पनि आग्रह गर्नुभएको छ ।

करिब ५० लाख अमेरिकी डलर भने केन्या सरकारको खाद्य सुरक्षा कार्यक्रमका लागि उपलब्ध गराइने राष्ट्रसंघले जनाएको छ । 

प्राप्त प्रतिकृयाहरू

यसमा तपाइको मत

सम्बन्धित समाचार
धेरै पढिएको
ट्वीटरमा