बुधबार, १ श्रावण, २०७६ Wednesday, 17 July, 2019

चाडपर्व खर्च कटौती नगर्न निवृत्त कर्मचारीको आग्रह

लामो समय सरकारी सेवाबाट निवृत्त भएका कर्मचारीले आफूहरुले पाउँदै आएको चाडपर्व खर्च कटौती नगर्न आग्रह गरेका छन् ।
फाइल फोटो / वेब

 

काठमाडौं । लामो समय सरकारी सेवाबाट निवृत्त भएका कर्मचारीले आफूहरुले पाउँदै आएको चाडपर्व खर्च कटौती नगर्न आग्रह गरेका छन् । 

पूर्वकर्मचारीले प्राप्त गर्दै आएको सेवा सुविधा कटौतीबाट राष्ट्रसेवकको जोश र जागरलाई असर पुग्ने सक्नेतर्फ ध्यानकर्षण गराउँदै नेपाल राष्ट्रिय निवृत्त कर्मचारी सङ्घले त्यस्ता खर्च कटौती नगर्न आग्रह गरेको हो । 

सङ्घले आज प्रेस विज्ञप्ति जारी गर्दै वर्तमान सरकारले अगाडि सारेको ‘समृद्ध नेपाल, सुखी नेपाली’को राष्ट्रिय आकाङ्क्षालाई मूर्तरुप दिने राष्ट्रसेवकको मनोबललाई उँचो बनाउन सरकारले उपलब्ध गराउँदै आएको सेवा र सुविधा कटौती गर्न नहुनेमा सरकारको ध्यानाकर्षण गराएको छ ।

सङ्घका अध्यक्ष गेहेन्द्रमान अमात्यले लामो समय जनताको सेवा गरी अवकाश भई सरकारकै आश्रयमा रहेका पूर्वकर्मचारीको योगदानलाई सरकारले बिर्सन नहुने बताए । सरकारले ती कर्मचारीलाई पेन्सनका साथै चाडपर्व खर्च निरन्तररुपमा प्रदान गर्नेमा आफूहरु विश्वस्त रहेको उनले जोड दिए ।  

प्रतिनिधिसभाको राज्य व्यवस्था तथा सुशासन समितिमा सङ्घीय निजामती कर्मचारीसम्बन्धी विधेयकमाथिका छलफलका क्रममा सेवा निवृत्त राष्ट्रसेवकलाई पेन्सनसँगै दिइने चाडपर्व खर्च कटौती गर्नुपर्ने विषयमा छलफल भएको थियो । सरकारले सेवा ती कर्मचारीलाई एक महीनाको पेन्सको रकम बराबरको दशैँ खर्च उपलब्ध गराउँदै आएको छ । रासस

प्राप्त प्रतिकृयाहरू

यसमा तपाइको मत

सम्बन्धित समाचार
धेरै पढिएको
ट्वीटरमा