सोमबार, २७ असोज, २०७६ Monday, 14 October, 2019

धादिङमा फूलपाती भित्र्याइयो

जिल्लाको भैरवी मन्दिर र नीलकण्ठ मन्दिरमा रहेको दशैँ घरमा वैदिक विधिअनुसार पूजा गरेर फूलपाती भित्र्याएपछि बली दिइएको छ ।
फायल फोटो : वेव

 

धादिङ । विसं २०७० पछि बन्द भएको दशैँघरमा फूलपाती भित्र्याउने काम यस वर्ष भव्यरुपमा मनाइएको छ ।

जिल्लाको भैरवी मन्दिर र नीलकण्ठ मन्दिरमा रहेको दशैँ घरमा वैदिक विधिअनुसार पूजा गरेर फूलपाती भित्र्याएपछि बली दिइएको छ । बिहान ६ः०० बजेको साइतमा भैरवी मन्दिरमा प्रमुख जिल्ला अधिकारीले पूजा गरेर बलि दिइएको छ भने नीलकण्ठ मन्दिरमा समेत बलि दिइएको छ ।

प्रमुख जिल्ला अधिकारी आसमान तामाङको नेतृत्वमा नेपाली सेना, नेपाल प्रहरी, सशस्त्र प्रहरीले विशेष पूजापछि फूलपाती भित्र्याएको हो । फूलपाती भित्र्याउने कार्यक्रममा सांसद भूमि त्रिपाठी, जिल्ला समन्वय समितिका प्रमुख जगन्नाथ नेपाललगायतका उच्च पदस्थ व्यक्तिको सहभागिता थिए ।

एकता र सद्भावको  पर्वका रुपमा मनाइएको दशैँलाई भड्किलो नबनाउन सांसद त्रिपाठीले आग्रह गरेका छन् । गोरखाबाट ल्याइएको फूलपाती धादिङसम्म गोरखाका पुजारीले, जीवनपुरसम्म धादिङका कुमालले र जीवनपुरबाट काठमाडौंको हनुमानढोकासम्म हनुमानढोकाका पुजारीले फूलपाती लैजाने गरिन्छ ।

धेरै वर्षपछि फूलपाती भित्र्याएपछि प्रमुख जिल्ला अधिकारी तामाङले शान्तपूर्वक जनतालाई दशैँ मनाउन आग्रह गरेका छन्  । रासस

प्राप्त प्रतिकृयाहरू

यसमा तपाइको मत

सम्बन्धित समाचार
धेरै पढिएको
ट्वीटरमा